LAJM I FUNDIT/ Aksidenti në Fier, këmbësori ndërron jetë. Policia del me njoftim zyrtar.
Ka ndërruar jetë pak çaste më parë, shtetasi Dritan Gjinaj, 50 vjeç, i cili mbrëmjen e sotme u aksidentua nga automjeti tip “Range Rover”, i drejtuar nga 20-vjeçari me inicialet B.H.
Viktima nuk arriti dot t’u mbijetojë plagëve të rënda që mori për shkak të aksidentit dhe pak pasi mbërriti në spital, ndërroi jetë.
Njoftimi i Policisë:
Fier/ Informacion paraprak
Rreth orës 21:30, në vendin e quajtur “Kryqëzimi i Grecallisë”, Fier, shtetasi B. H., 20 vjeç, duke drejtuar një automjet tip “Range Rover”, ka aksidentuar këmbësorin, shtetasin D. Gj., rreth 50 vjeç.
Si pasojë e aksidentit, ka ndërruar jetë në spital shtetasi D. Gj.
Drejtuesi i automjetit, shtetasi B. H., është shoqëruar në Komisariat nga shërbimet e Policisë, për veprime të mëtejshme.
Grupi hetimor po punon për sqarimin e plotë të rrethanave të aksidentit.
