LAJM I FUNDIT/ Lista me rrogat e qytetarëve po shpërndahet në rrjet, Prokuroria nis hetimet
Një skandal i madh ka ndodhur me të dhënat personale të qytetarëve shqiptarë. Opinion.al zbulon se në “Whatsapp” po shpërndahet një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitit, pozicionin e punës dhe rrogën.
Ende nuk dihet se cili është burimi i daljes së kësaj liste, të cilën Opinion deklaron se e posedon, por ende nuk e ka bërë publike, për ruajtjen e privatësisë së qytetarëve.
Nëse lista që po qarkullon dhe po përhapet është e vërtëtë, atëherë të dhënat personale të qytetarëve shqiptarë janë në rrezik.
Prokuroria e Tiranës ka nisur verifikim për publikikim dhe te dhënash. Sipas informacionevë bëhert fjalë për një databazë me të dhëna të qytetarëve të punësuar në sektorin privat dhe publik.
Burime nga prokuroria e Tiranës, bëjnë me dije se verifikimet kanë nisur pas një ankese të një grupi qytetarësh për nxjerrje te dhënash.
