LAJM I FUNDIT/ Vritet 60-vjeçari, arrestohet autori (emrat)
Një krim i rëndë ka ndodhur mesditën e sotme në Tiranë, ku ka humbur jetën 60-vjeçari Ilir Kapo.
Burime nga policia bëjnë me dije se autori i ngjarjes së rëndë është një 37-vjeçar, Olgert Dhimtri, i cili është shoqëruar në ambientet e komisariatit.
Mësohet se vrasja është kryer me thikë, në afërsi të shkollës Harry Fultz, ndërkohë që ende nuk dihen motivet e ngjarjes.
Burime bëjnë me dije se viktima dhe autori kanë qenë duke pirë kafe së bashku në një lokal, ku pas një konflikti të çastit, i riu e ka qëlluar 60-vjeçarin me thikë duke i shkaktuar vdekjen.
Mësohet se autori ka qenë në gjendje tejet të dehur në momentin kur e ka kryer krimin e rëndë.
Njoftimi i policisë:
Më datë 07.05.2022, rreth orës 11:15, në afërsi të “Harry Fultz”, shtetasi O. Dh., 37 vjeç, ka goditur me mjete prerëse shtetasin I. K., 60, i cili si pasojë e plagëve të marra ka ndërruar jetë.
Autori i dyshuar është shoqëruar në komisariat për veprime të mëtejshme.
Grupi hetimor po punon për sqarimin e rrethanave të ngjarjes.
