KRONIKËSTAR CHANNEL
Lulzim Visha u vra me armë me silenciator 200 metra larg shtëpisë, autorët i zunë pritë teksa shkonte për në punë
Detaje të reja janë zbuluar nga rasja e Lulzim Vishës, 48 vjeçarit i cili u gjet i pajetë brenda automjetit të tij.
Sipas asaj që raportohet Visha është vrarë 200 metra larg shtëpisë së tij në rrugën “Shën Stefani” në Zall Mner.
Mësohet se Visha ishte baba i dy fëmijëve dhe ishte proceduar penalisht disa herë.
Ai sapo kishte dalë për në punë kur autorët e kanë ndjekur dhe besohet se e kanë qëlluar me 12 plumba. Ngjarja ka ngritur dyshime se vrasësit mund të kenë përdorur një armë me silenciator, pasi banorët e zonës nuk kanë dëgjuar të shtëna.
