MBËRRIN NË GJYKATËN E FIERIT BLEDAR BAKAJ, PRITET CAKTIMI I MASËS SË SIGURIMIT
Fier, 17 shtator 2026 – Bledar Bakaj ka mbërritur në Gjykatën e Fierit, ku pritet të zhvillohet sot seanca gjyqësore për vleftësimin e arrestimit dhe caktimin e masës së sigurimit ndaj tij.
Seanca është planifikuar për orën 09:15 dhe do të drejtohet nga gjyqtarja Bora Shaholli, ndërsa çështja do të ndiqet nga prokurorja Oljana Gjergjefi.
Në seancë pritet të shqyrtohen rrethanat e arrestimit të Bakajt, si dhe kërkesa e Prokurorisë për caktimin e masës së sigurimit. Palët do të paraqesin qëndrimet e tyre përpara gjykatës, e cila më pas do të vendosë për masën që do të aplikohet ndaj tij.
Seanca e sotme vjen në kuadër të procedimit penal ndaj Bakajt, ndërsa vendimi i gjykatës do të përcaktojë mënyrën e vijimit të masës së sigurimit gjatë fazës së hetimeve.
Bledar Bakaj gëzon prezumimin e pafajësisë deri në një vendim gjyqësor të formës së prerë.
