Mjekët në Lituani kanë hequr më shumë se një kilogram gozhdë dhe vida nga stomaku i një burri i cili filloi të gëlltiste objekte metalike pas lënies së alkoolit.
Burri, i cili nuk u identifikua për arsye të konfidencialitetit të pacientit, u shtrua në spital në qytetin Klaipeda me dhimbje të forta barku.
Një ekzaminim me rreze X tregoi copa metali ku disa ishin deri në 10 centimetra.
“Gjatë operacionit tre-orësh me kontroll me rreze X, të gjithë trupat e huaj, madje edhe më të vegjlit, në stomakun e pacientit u hoqën,” tha kirurgu Sarunas Dailidenas.
“Ne nuk kemi parë kurrë diçka të tillë,” tha Algirdas Slepavicius, kirurg kryesor në Spitalin Klaipeda për mediat lokale.
Mjeku tha se burri kishte filluar të gëlltiste objektet metalike muajin e fundit pasi kishte ndaluar pirjen. Pacienti ishte në gjendje të qëndrueshme pas operacionit, shtoi ai.
Burimi: Agence France-Presse
