“Na nxirrnin nga shtëpitë, në shkollë nuk më linin të flisja”, aktori shqiptar flet për racizmin në Greqi
Aktori me origjinë shqiptare Nikos Gelia u prezantua me publikun grek këtë vit përmes serialit të përditshëm të MEGA-s ” Mavro Rodo “, ku luan personazhin e “Saranto-s”.
në një interviste për televizionin grek ai ka dhënë detaje rreth personazhit të tij por ka folur edhe për origjinën e ti.
“Në Greqi kam ardhur në moshën 5 vjeç e gjysme. Erdhem nga Shqipëria si emigrant. Kemi ndërruar shpesh lagje kur kemi ardhur në Greqi, sepse duke qenë shqiptarë na kanë nxjerrë nga shtëpitë tona. Kishte racizëm, nga më të thjeshtat, mësuesit nuk na jepnin fjalën në klasë se ishim nga Shqipëria.
Kur mbërritën në Greqi, siç tregoi ai, nëna e tij kujdesej për fëmijët në shtëpi të ndryshme, ndërsa babai punonte në ndërtim për të siguruar jetesën.
Së fundmi, Nikos Gelia ka folur për vendimin e tij për të ndjekur rrugën e aktrimit dhe ka komentuar mënyrën se si kanë reaguar prindërit e tij. Siç ka përmendur kur vendosi të bëhej aktor, nëna e tij ishte shumë mbështetëse, por babai i tij ishte i shqetësuar.
Duke folur për jetën e tij personale, aktori foli për martesën dhe vajzën e tij 3-vjeçare:E çova vajzën në kopësht dhe mësuesja e pyeti nëse babi luan në “Trëndafili i zi”. Unë dua t’i shpjegoj asaj se ajo që sheh nuk është e vërtetë. Vajza ime mund të më shohë në shfaqje me armë ose të kërcënojë dikë, kështu që ajo do të kuptojë se ky është një rol…” tha ai
