Nuk do vetëm Ukrainën/ Putin zbulon planin për zotërimin e oqeaneve të botës: Kemi fuqinë ushtarake për të…
Vladimir Putin shpalli SHBA-të si armiku kryesor i Rusisë, teksa parashtroi dhe planet për ambicien e tij për të sunduar oqeanet e botës me forcë.
Putin nënshkroi ditwn e djeshme një doktrinë të re detare që përcakton një axhendë për zona vendimtare si Arktiku dhe Deti i Zi në mes të luftës së tij brutale në Ukrainë.
Duke folur në Ditën e Marinës së Rusisë në ish-kryeqytetin perandorak të Shën Petersburgut të themeluar nga Car Pjetri i Madh, Putin vlerësoi Pjetrin për kthimin e Rusisë një fuqi të madhe detare dhe rritjen e pozitës globale të shtetit rus.
Pas inspektimit të marinës, Putini paralajmëroi me ftohje se raketat unike të lundrimit hipersonik të Rusisë Zircon, tani nënkuptonin se Rusia kishte fuqinë ushtarake për të shtypur armiqtë e saj. Pak para fjalimit, ai nënshkroi një doktrinë të re detare prej 55 faqesh, e cila përcakton synimet e gjera strategjike të marinës ruse, duke përfshirë ambiciet e saj si një “fuqi e madhe detare” që shtrihet në të gjithë botën.
Kërcënimi kryesor për Rusinë, thotë doktrina, është “politika strategjike e SHBA-së për të dominuar oqeanet e botës” dhe lëvizja e aleancës ushtarake të NATO-s më afër kufijve të Rusisë.
