Nuk mori pjesë në takimin e Berishës, deputetja e Fierit publikon dokumentin origjinal të themelimit të PD-së në Fier
Deputetja demokrate e qarkut të Fierit, Eralda Tase Bano, ka publikuar dokumentin origjinal të themelimit të Partisë Demokratike Dega Fier.
Dita e sotme përkon me 31 vjetorin e themelimit të kësaj dege, ku u zhvillua edhe një takim me pjesëmarrjen e ish-kryeministrit Sali Berisha, por deputetja nuk mori pjesë.
“Ky është dokumenti origjinal i themelimit të Partisë Demokratike Dega Fier.
Gëzuar Ditën e Themelimit të Partisë Demokratike Dega Fier!
Partia Demokratike është partia e vlerave njerëzore e shpresës dhe e lirisë. Respekte për të gjithë ata që kontribuan në themelimin e saj, me këtë dokument ata nënshkruan përmbysjen e një prej rregjimeve më të egra totalitare që kishte parë ndonjëherë bota. Fal trimërisë, largpamësisë dhe qytetarisë së tyre dhe shumë demokratëve të tjerë në të gjithë Shqipërinë, sot gezojmë një nga të drejtat e mohuara afro 50 vjeçare të sistemit diktatorial që ne kaluam.
Edhe njeherë GEZUAR! Dhe respekte për të gjithë ata që luftuan për lirinë e pluralizmin shqiptar.
Liria nuk është diçka që fitohet vetëm nga një brez. Ajo është tingulli që kalon brez më brez duke u gërshetuar me bindjet dhe idealet.
Zoti i bekoftë demokratet e Fierit”, shkruan Eralda Tase Bano.