Protesta dhe kaosi në Tiranë, 26 të lënduar! Mes tyre edhe efektivë policie
26 persona kanë mbetur të lënduar si pasojë e protestës që po vijon në Tiranë.
Mes të lënduarve janë efektivë policie dhe protestues, njofton Ministria e Shëndetësisë.
Njoftimi i plotë:
Në Spitalin Universitar të Traumës gjatë ditës së sotme janë trajtuar 26 të lënduar: efektivë policie, protestues e kalimtarë. Janë nën kujdesin mjekësor dy efektivë policie. Efektivi me inicialet D.K. është shtruar në shërbimin e Neurokirurgjisë për monitorim të mëtejshëm dhe paraqitet në gjendje të mirë shëndetësore.
Efektivi me inicialet F.R., i ardhur nga Shkodra, i është nënshtruar ndërhyrjejes kirurgjikale për shkak të një dëmtimi në kokë, pritet reagimi.
Gjithashtu, 2 protestues janë nën kujdesin mjekësor dhe paraqiten në gjendje të mirë shëndetësore, një prej tyre (vajzë) në observim, gjendje stabël për momentin.
Pak minuta më parë kanë mbërritur 3 kalimtarë, jashtë rrezikut për jetën.
Në QSUT nuk ka asnjë të lënduar aktualisht.
