KRONIKËSTAR CHANNEL
Punësimi i paligjshëm i Muçi Shaljanit që u vra në Rinas bashkë me Gilmando Danin, merret i pandehur ish-kreu i AMP
Artion Saliasi, ish-drejtori i komanduar i AMP-së, është marrë i pandehur në lidhje me rekrutimin në kundërshtim me ligjin brenda AMP-së të Muçi Shaljani (Sheqerit).
Shaljani mbeti i vrarë më 11 nëntor të vitit që lamë pas, në Rinas, bashkë me Gilmando Danin.
Reklama në FieriWeb - “PIZZA ITALIA FIER”
Artion Saliasi është marrë i pandehur pas hetimeve të Prokurorisë së Tiranës dhe AMP-së për veprën penale “shpërdorim detyre”, pasi u konstatuan gjatë hetimeve dhe verifikime shkelje në procedurat e punësimit të Shaljanit.
Ndërkohë, drejtori i Drejtorisë së Shërbimeve Mbështetëse në AMP, Gëzim Sala, është rikthyer në detyrë, pasi Apeli i hoqi masën e pezullimit nga detyra rreth 1 muaj më parë.
