Qytetari tregon para ministreve: Shkova te furri dhe u thashë që jam gazetar! Peshova bukën, e shisnin për 1 kg por doli 600 gram
Një qytetar ka treguar në emisionin “Opinion” para ministreve Belinda Balluku dhe Delina Ibrahimaj se ka shkuar në një furrë buke dhe ëhstë prezantuar si gazetar për të peshuar bukën.
Ai tha se bukën të cilën e blinte për 1 kg, në peshore doli se ishte 600 gram. Qytetari kërkoi nga ministret që të kishte kontrolle të vazhdueshme në furra, pasi po abuzohej jo vetëm me çmimin, por edhe me peshën.
peshën.
“Duhet nga ana e shtetit një kontroll i vazhdueshëm. Kam shkuar dhe e kam bërë veten si gazetar se ndryshe nuk çaja dot. I thashë ‘ma pesho këtë bukën, 1 kile më thotë ai’. E peshon bukën, 600 gramë. Jo në 1 furrë, në 3-4 furra. Nuk gjen një furrxhi i dobët ekonomikisht. Sa filloi lufta, e ngritën edhe bukën. Unë kam njerëz në fshat dhe habitem sesi tregtario e merr domaten dhe specën me 200, edhe e shet me 1500. Duhet një kontroll në befasi, të merren masa. Ne kemi ndërgjegjen shumë të ulët”, tregoi qytetari.
