Sa herë në ditë shkoni në tualet? Ja çfarë dëmesh po i sillni vetes duke anashkaluar këtë proces fiziologjik
Nevoja për të shkuar në tualet është pjesë e jetës së përditshme. Edhe pse shpesh mund të jetë një temë tabu ose e pakëndshme për t’u diskutuar, është një funksion biologjik thelbësor për ruajtjen e shëndetit dhe mirëqenies sonë.
Shkuarja në tualet është një sinjal nga trupi se ka mbeturina të grumbulluara që duhet të eliminohen. Ky proces lejon eliminimin e toksinave nga trupi, gjë që ndihmon në ruajtjen e ekuilibrit dhe funksionimin e duhur të sistemit tonë të tretjes dhe veshkave.
Të ndrydhësh nevojën për të shkuar në tualet për periudha të gjata kohore mund të shkaktojë shqetësim dhe të rrisë rrezikun e problemeve shëndetësore, si infeksionet e traktit urinar.
Në një artikull për “The Sun”, Dr Sarah Jarvis argumentoi se lëvizjet e zorrëve ndikohen nga një “larmi faktorësh”. Sipas Dr. Jarvis, shumica e njerëzve kanë një “model mjaft të rregullt të lëvizjes së zorrëve”. Me gjithë këtë, studimet tregojnë se 98% e njerëzve shkojnë në tualet me një frekuencë nga tre herë në ditë deri në tre herë në javë.
Nëse dilni më pak se tre herë në javë, mund të vuani nga kapsllëku. Për ta luftuar atë, përpiquni të hani më shumë fibra, të cilat gjenden në fruta, perime dhe drithëra, ose bëni shumë stërvitje.
