RAJONI
Shifra të frikshme nga Covid-19 në Greqi, mbi 28 mijë raste të reja, 72 vdekje dhe 620 në gjendje të rëndë
Greqia po përballet me një valë të frikshme të pandemisë së koronavirusit që ka çuar në një shtim të menjëhershëm të infektimeve të reja.
Autoritetet vendase bëjnë me dije se që pas hyrjes së variantit të ri “Omicron”, rastet janë shtuar duke çuar në një rekord të zi ditën e sotme me 28.828 raste të reja.
Sakaq, bëhet me dije se në 24 orët e fundit kanë ndërruar jetë 72 persona, ndërsa 620 pacientë ndodhen në gjendje më të rënduar në terapi intensive.
Sipas të dhënave, një numër i lartë i të infektuarve është shënuar edhe mes fëmijëve me rreth 10 mijë raste të tilla në total.