KRONIKËLAJMI FUNDITSTAR CHANNEL
Shpërthim i fuqishëm në lagjen “Konferenca e Pezës” në Fier – Dy të lënduar, mes tyre një zjarrfikës
Një bombol gazi ka shpërthyer mëngjesin e sotëm në një pallat në lagjen “Konferenca e Pezës”, duke shkaktuar panik në zonë dhe ndërhyrje të menjëhershme të shërbimeve emergjente.
Në vendngjarje kanë mbërritur dy mjete zjarrfikëse, dy autoambulanca dhe forca të shumta policie. Nga shpërthimi kanë mbetur të lënduar dy persona – një zjarrfikës i përfshirë në operacionin e shpëtimit dhe një banor i ndërtesës, identiteti i të cilëve ende nuk është bërë publik.
Reklama në FieriWeb - “PIZZA ITALIA FIER”
Të dy të plagosurit janë transportuar në spital dhe ndodhen jashtë rrezikut për jetën. Policia dhe ekspertët zjarrfikës kanë nisur hetimet për të zbardhur rrethanat e ngjarjes. Paraprakisht dyshohet se shkak i shpërthimit ka qenë rrjedhja e gazit nga bombola.
