Stuhia e fortë shkul pemët në Sarandë, dëme në makina dhe biznese

Stuhia e fuqishme që goditi mbrëmjen e djeshme qytetin e Sarandës ka shkaktuar dëme të konsiderueshme në lulishten “Miqësia”, një nga hapësirat më të frekuentuara publike të qytetit.

Era e fortë ka shkulur dhe rrëzuar një numër pemësh, duke lënë pas degë të thyera dhe bllokime në disa pjesë të parkut. Si pasojë e motit ekstrem janë dëmtuar edhe disa biznese, si dhe një numër automjetesh të parkuara pranë zonës.

Reklama në FieriWeb - “”

Pamjet e mëngjesit të sotëm tregojnë gjurmët e stuhisë, ndërsa dëmtimet kanë ndryshuar ndjeshëm pamjen e lulishtes. Në disa zona, qarkullimi i këmbësorëve është vështirësuar për shkak të pemëve dhe degëve të rrëzuara.

Autoritetet pritet të vijojnë me pastrimin e zonës dhe vlerësimin e plotë të dëmeve.

Reklama në FieriWeb - "ARGJENDARI ILIA"

Reklama në FieriWeb - “PIZZA ITALIA FIER”