FIERI NEWSSTAR CHANNEL
Subashi inspekton punimet në rrugën Hidrovor – Plazh Darëzezë, drejt përfundimit investimi për sezonin turistik
Vijojnë me ritme intensive punimet për rehabilitimin e rrugës Hidrovor – Plazh Darëzezë, në të dyja anët e kanalit kryesor, një investim i rëndësishëm në prag të sezonit turistik veror.
Nga afër ecurinë e punimeve e ka inspektuar kryebashkiaku i Fierit, Armando Subashi, i cili vlerësoi rëndësinë e këtij segmenti rrugor për aksesin drejt bregdetit dhe lehtësimin e qarkullimit për pushuesit.
Reklama në FieriWeb - “PIZZA ITALIA FIER”
Sipas tij, rehabilitimi i rrugës do të përmirësojë ndjeshëm lëvizjen e mjeteve dhe qytetarëve drejt Plazhit të Darëzezës, duke ofruar kushte më të mira dhe më të sigurta gjatë verës.
Ky projekt po realizohet si bashkëfinancim mes Këshilli i Qarkut Fier dhe Bashkia Fier.
