Të shtëna me armë zjarri te ish-Parku i Autobusëve, plagosen dy persona, policia “blindon” zonën
TIRANË
Disa të shtëna me armë zjarri janë regjistruar pak minuta më parë në Tiranë. Nga të dhënat e para, raportohet se të shtënat janë dëgjuar në zonën e ish-Parkut të Autobusëve, në kryeqytet.
Nga të shtënat kanë mbetur të plagosur dy persona.
Policia ka mbërritur në vendngjarje, pas marrjes së një telefonate për të shtënat, dhe po kreh zonën për identifikimin dhe kapjen e autorëve. Gjithashtu, shërbimet policore kanë ngritur pika të shumta kontrolli në kryeqytet për kapjen e autorëve të ngjarjes.
Njoftimi i Policisë:
Tiranë/Informacion paraprak
Rreth orës 17:00, në kryqëzimin e rrugës “Ndre Mjeda” dhe “Frosina Plaku”, në rrethana ende të paqarta, janë plagosur dyshohet me armë zjarri shtetasit A. N., rreth 27 vjeç dhe Xh. V, rreth 25 vjeç, të cilët ndodhen në spital, nën kujdesin e mjekëve.
Sherbimet e Policisë kanë ngritur pika kontrolli dhe po bëjnë kontrollin e zonës përreth vendit të ngjarjes, me qëllim identifikimin dhe kapjen e autorit.
Njëkohësisht, grupi hetimor po punon për mbledhjen e të gjitha provave që do çojnë në identifikimin e autorit dhe dokumentimin e plotë të ngjarjes.