KRONIKËSTAR CHANNEL
Tentoi të grabiste një banesë në Markat të Konispolit, plagoset me armë zjarri 44-vjeçari me precedent penal
Një 44-vjeçar është plagosur me armë zjarri në orët e para të mëngjesit të sotëm, më 7 korrik, në fshatin Markat të Konispolit.
Sipas burimeve zyrtare, shtetasi Saimir Haxhi, një emër i njohur për drejtësinë dhe me precedentë penalë të mëparshëm, dyshohet se ka tentuar të grabisë një banesë në zonë. Gjatë natës, ai është qëlluar me armë gjahu (çifte), duke mbetur i plagosur në pjesën e pasme të trupit.
Reklama në FieriWeb - “PIZZA ITALIA FIER”
Fillimisht, i plagosuri është dërguar në spitalin e Sarandës për ndihmë mjekësore, por për shkak të gjendjes shëndetësore, është transportuar më pas në spitalin rajonal të Vlorës për trajtim të specializuar.
Grupi hetimor ndodhet në vendngjarje dhe po punon për sqarimin e plotë të rrethanave të incidentit.
