Tentoi të rrëmbente një person me forcë pasi i kishte borxh, arrestohet 34-vjeçari në Vlorë
Policia e Vlorës ka arrestuar një person të shpallur në kërkim. Blutë bëjnë me dije se u bë arrestimi i shtetasit në kërkim S. S., 34 vjeç, banues në fshatin Armen, Vlorë.
Ndalimi i tij u bë pasi Gjykata e Apelit Vlorë, me vendimin e datës 16.04.2021, i ka caktuar masën e sigurisë “Arrest në burg” për veprën penale “Armëmbajtja pa leje”.
Gjithashtu ky shtetas dyshohet se në datën 03.11.2021, në bashkëpunim me shtetasin S. J., i ndaluar më herët nga Policia, kanë tentuar të marrin në makinë forcërisht shtetasin A. S.
Burime bëjnë me dije se ngjarja ka ndodhur më 16 nëntor. Shtetasi me iniciale S.S ka tentuar së bashku me shtetasin S.J të fusin në makinë shtetasin .S pasi e kanë goditur disa herë me shkelma dhe grushte. Gjithçka ka ndodhur për një borxh që shtetasi A.S i ka dy personave tashmë të arrestuar nga policia.
Materialet i kaluan Prokurorisë, për veprime të mëtejshme.
