TERRORIZOHET FAMILJA/ Një person i armatosur tenton të futet në një banesë, familjarët njoftojnë menjëherë policinë, ai largohet me shpejtësi kur shikon efektivët
Një person që dyshohet se ka qenë i armatosur ka tentuar të futet në banesën e Sh.A mbrëmjen e sotme, por është konstatuar nga familjarët, të cilët kanë njoftuar menjëherë policinë.
Drejt vendngjarjes janë nisur Forcat Shqiponja dhe Shigjeta, ndërsa personi ende i paidentifikuar ëhstë larguar me shpejtësi sapo ka parë efektivët.
Shërbimet e Policisë po vijojnë krehjen e zonës dhe po kryejnë kontrolle në ambiente të dyshuara që mund të jetë fshehur personi i dyshuar.
Njoftimi i Policisë:
Me datë 19.11.2021, në Vishnje, në oborrin e banesës së shtetasit Sh. A ka tentuar të futet një person ende i paidentifikuar, dyshohet i armatosur. Ky person është konstatuar nga pjestarët e familjes.
Menjëherë në vendngjarje janë nisur shërbimet e Komisariatit të Policisë Nr.6, Forca e Posaçme Shqiponja dhe Shigjetat.
Nga veprimet paraprake rezulton se personi nuk është futur në banesë por është larguar me shpejtësi kur ka konstatuar se është diktuar nga pjestarët e familjes.
Shërbimet e Policisë po vijojnë krehjen e zonës dhe po kryejnë kontrolle në ambiente të dyshuara që mund të jetë fshehur personi i dyshuar.
Grupi Hetimor ndodhet në vendngjarje dhe po punon për sqarimin e rrethanave dhe dokumentimin e plotë të ngjarjes.
