Vdes stjuardesa 24-vjeçare e “Air Albania”, u ndje keq dhe u shemb përtokë sapo mbërriti në Britani
Një stjuardesë 24-vjeçare e linjës ajrore “Air Albania” është shembur në tokë dhe ka humbur jetën në momentin që aeroplani kishte mbërritur në Aeroportin Stansted në Angli.
Lajmin e bëjnë me dije mediat britanike, të cilat shkruajnë se ambulancat dhe ekipet e ndihmës së parë nga Essex dhe Herts iu përgjigjën thirrjes së emergjencës nga kabina e avionit nga Tirana.
Ngjarja e rëndë ka ndodhur rreth orës 13:00 të së mërkurës më 21 dhjetor, por vetëm së fundmi është bërë publike.
Shërbimi i ambulancës e dërgoi vazjën në spitalin Princess Alexandra në Harloë, por mësohet se ajo nuk arriti të shpëtojë.
Një zëdhënës i policisë së Essex tha: “Ne i erdhëm në ndihmë kolegëve tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim për për shëndetin e dikujt”.
Indie ka kontaktuar me “Air Albania” për detaje të mëtejshme, por nuk ka marrë përgjigje.
