VELIAJ LETËR NGA BURGU I FIERIT: 10 DITË NË IZOLIM, PA UJË E KUJDES MJEKËSOR, NË TË NJËJTIN KORRIDOR ME 3 TË DËNUAR ME BURGIM TË PËRJETSHËM
Kryebashkiaku i Tiranës, Erion Veliaj, ka renditur gjashtë kufizime dhe një shqetësim për sigurinë në një letër të dërguar nga izolimi në burgun e Fierit.
Sipas Veliajt, ai do të qëndrojë 10 ditë në izolim, në kushte që, sipas tij, përfshijnë mungesën e ujit, dritares dhe kujdesit mjekësor. Ai pretendon gjithashtu se i është refuzuar ushqimi dhe se nuk i është dhënë asnjë arsye për transferimin dhe izolimin.
Në letrën e tij, Veliaj ngre shqetësimin edhe për pamundësinë e komunikimit me familjen dhe avokatin, si dhe për faktin se ndodhet në të njëjtin korridor me tre persona të dënuar me burgim të përjetshëm, të cilët ai i cilëson si vrasës serialë.
“Futja në izolim për 10 ditë, pa ujë e dritare, pa kujdes mjekësor, refuzim i ushqimit, asnjë arsye për transferimin/izolimin, asnjë telefonatë për familjen dhe avokatin, në të njëjtin korridor me 3 vrasës serialë me burgim të përjetshëm”, shkruan Veliaj.
Pretendimet e bëra në letër janë deklarata të Veliajt dhe kërkojnë verifikim nga autoritetet përgjegjëse për kushtet e qëndrimit dhe ligjshmërinë e izolimit në burgun e Fierit.
