KRONIKËSTAR CHANNEL
Vihet nën kontroll zjarri në Tragjas/ Ministri Vengu: Mbetemi vigjilentë, do bëhet verifikimi i dëmeve
Ministri i Mbrojtjes, Pirro Vengu, ishte mbrëmjen e së shtunës në fshatin Tragjas për të ndjekur nga afër situatën e krijuar nga zjarri i qëllimshëm, i cili u vu nën kontroll falë ndërhyrjes së skuadrave të emergjencës civile të Bashkisë Vlorë.
“Fatmirësisht, një front zjarri, që dukej sikur po rrezikonte disa banesa, është parandaluar në kohë rekord nga zjarrfikësit.
Reklama në FieriWeb - “PIZZA ITALIA FIER”
Skuadrat do vazhdojnë të angazhuara. Nesër në mëngjes do bëhet evidentimi i plotë. Mbetemi vigjilentë”, theksoi ai.
Vatra zjarri janë regjistruar jo vetëm në territorin e Bashkisë Vlorë, por edhe në atë të Selenicës.
Aktualisht, situata mbetet nën kontroll, ndërsa forcat zjarrfikëse janë në gatishmëri të plotë për të parandaluar riaktivizimin e flakëve për shkak të erës së fortë.
