Dy vite pas krimit, arrestohet 43-vjeçari që hodhi nga shkallët babain pasi i vrau të ëmën
Dy vite pas ngjarjes së rëndë që tronditi jugun e vendit, është vënë në pranga 43-vjeçari Klementin Islamaj, banues në fshatin Shalës, Konispol, i cili akuzohet se shkaktoi vdekjen e babait të tij.
Sipas burimeve zyrtare, Gjykata e Sarandës e ka dënuar Islamajn për veprën penale “vrasja e kryer në gjendje të tronditjes së fortë psikike”.
Ngjarja e rëndë ka ndodhur në gusht të vitit 2024, kur 43-vjeçari ka shtyrë nga shkallët babanë e tij, Hysen Islamaj, duke i shkaktuar vdekjen. Ky veprim erdhi menjëherë pas një krimi tjetër brenda familjes, pasi viktima, Hysen Islamaj, dyshohet se kishte vrarë me sopatë bashkëshorten e tij, 66-vjeçaren Shano Islamaj.
Rasti asokohe shkaktoi reagime të forta për shkak të dhunës ekstreme brenda familjes, ndërsa drejtësia tashmë ka dhënë vendimin për autorin e dytë të kësaj ngjarjeje tragjike.
Materialet procedurale i janë referuar organeve përkatëse për vijimin e mëtejshëm të ekzekutimit të vendimit.
