I riu nga Fieri diplomohet për Inxhinieri Mekatronik Robotik në Rumani, Elis Mara përmbyll me sukses 4 vite studimi
Një arritje e rëndësishme për një të ri nga Fier. Pas katër viteve përkushtim, disiplinë dhe pune intensive, Elis Mara ka përmbyllur me sukses studimet universitare në fushën e inxhinierisë në Rumani.
Një arritje e rëndësishme vjen për një të ri nga Fier, i cili ka kurorëzuar me sukses një rrugëtim katërvjeçar studimesh në fushën e inxhinierisë. Elis Mara ka përfunduar studimet universitare në degën Inxhinieri Mekatronike dhe Robotikë, duke shënuar një moment të veçantë në jetën e tij akademike dhe profesionale.
Diplomimi u zhvillua më 25 maj 2026, gjatë një ceremonie madhështore të organizuar nga Universiteti Teknik i Cluj-Napoca (UTCN) në Rumani, për studentët e Fakultetit ARMM – Facultatea de Autovehicule Rutiere, Mecatronică și Mecanică (Fakulteti i Mjeteve Rrugore, Mekatronikës dhe Mekanikës).
Pas katër viteve të mbushura me përkushtim, disiplinë, sfida dhe punë intensive akademike, i riu fierak ka arritur të përmbyllë me sukses studimet, duke u bërë pjesë e brezit të ri të profesionistëve në një nga fushat më moderne dhe më të kërkuara të teknologjisë dhe zhvillimit industrial.
Mekatronika dhe robotika përfaqësojnë një ndërthurje të inxhinierisë mekanike, elektronikës, sistemeve inteligjente dhe teknologjive të automatizimit, një sektor që po merr gjithnjë e më shumë rëndësi në zhvillimet bashkëkohore në mbarë botën.
Suksesi i Elis Marës përbën jo vetëm një arritje personale, por edhe një shembull frymëzues për të rinjtë shqiptarë që zgjedhin të ndjekin rrugën e dijes dhe zhvillimit profesional jashtë vendit.
Urime dhe suksese në rrugëtimin e tij profesional!
