AKSIDENT I RËNDË NË VLORË-LLOGARA, HUMB JETËN 62-VJEÇARI, DY TË PLAGOSUR

Një aksident i rëndë rrugor është regjistruar mëngjesin e sotëm në aksin Orikum-Llogara, në zonën e Fushë Dukatit.
Sipas informacionit paraprak të Policisë, rreth orës 07:20, automjeti tip “Ford”, me drejtues një 62-vjeçar me inicialet Xh. Xh., dyshohet se është përplasur me një automjet tip “Renault”, që drejtohej nga një 36-vjeçar me shtetësi egjiptiane.
Si pasojë e përplasjes, drejtuesi i automjetit “Ford” ka humbur jetën në vendngjarje.
Ndërkohë, kanë mbetur të dëmtuar drejtuesi i “Renault”-it dhe një pasagjer rreth 40 vjeç, të cilët janë transportuar në spital për të marrë ndihmë mjekësore.
Tre pasagjerët e automjetit “Renault” janë shoqëruar në Komisariat, ndërsa grupi hetimor po punon për të zbardhur shkaqet dhe rrethanat e aksidentit.
Policia vijon hetimet për ngjarjen.
#FieriWeb #Vlore #Aksident #LajmiFundit




