Vr*sje me a*më zjarri në Dukagjin, gjendet i pajetë në automjet një 42-vjeçar
Një ngjarje e rëndë është regjistruar mbrëmjen e sotme në zonën e Dukagjinit, ku një person është gjetur i pajetë brenda automjetit të tij.
Sipas informacioneve paraprake, rreth orës 19:00, në aksin rrugor Prekal–Kir, është gjetur i vrarë me armë zjarri Aleksandër Koçeku.
Burime paraprake dyshojnë se krimi mund të ketë ndodhur për motive gjakmarrjeje, por ky informacion ende nuk është konfirmuar zyrtarisht nga autoritetet.
Menjëherë pas njoftimit, shërbimet e Policisë kanë mbërritur në vendngjarje dhe kanë nisur kontrolle intensive në zonë për identifikimin dhe kapjen e autorit ose autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon për administrimin e provave dhe zbardhjen e plotë të rrethanave të kësaj ngjarjeje.
