KRONIKËSTAR CHANNEL
Zjarri në Mallakastër del jashtë kontrollit, flakët kalojnë rrugën e Panahorit
Zjarri masiv në Mallakastër vijon të përhapet me intensitet, duke dalë jashtë kontrollit dhe duke djegur sipërfaqe të mëdha me pyje pishe. Situata është rënduar ndjeshëm, pasi era e fortë po favorizon avancimin e flakëve, të cilat kanë kaluar edhe rrugën e Panahorit.
Në operacion janë angazhuar forca zjarrfikëse, efektivë të Forcave të Armatosura, punonjës të shërbimeve të emergjencës dhe banorë të zonës, të cilët prej orësh po luftojnë për izolimin e vatrave aktive. Megjithatë, për shkak të kushteve të vështira të terrenit dhe erës së fortë, zjarri ende nuk është vënë nën kontroll.
Reklama në FieriWeb - “PIZZA ITALIA FIER”
Autoritetet u bëjnë thirrje qytetarëve të shmangin lëvizjet pranë zonës së prekur dhe të respektojnë udhëzimet e strukturave të emergjencës.
