KRONIKËSTAR CHANNEL
Aksident i rëndë në autostradën Lushnje-Fier, plagosen disa pasagjerë
Një aksident i rëndë është regjistruar në vendin e quajtur “Pushimi i Shoferit”, në autostradën Lushnje-Fier.
Një automjet tip Volkswagen është përplasur me një furgon që transportonte pasagjerë në drejtim të jugut. Për të shmangur përplasjen me Volkswagen-in, drejtuesi i furgonit ka devijuar dhe është përplasur me barrierat metalike anësore të autostradës.
Përplasja ka qenë e fortë dhe si pasojë janë lënduar disa prej pasagjerëve që ndodheshin në furgon. Dy prej tyre janë transportuar me ambulancë drejt spitalit, ku po marrin ndihmën mjekësore.
Reklama në FieriWeb - “PIZZA ITALIA FIER”
Në vendngjarje kanë mbërritur shërbimet e emergjencës, ndërsa autoritetet po punojnë për të zbardhur rrethanat e plota të aksidentit.
