Evi Kokalari krah ish-kryeministrit: Dua ta shoh Sali Berishën edhe njëherë kryeministër të Shqipërisë, Kongresmenët nuk e kanë idenë kush është Basha
Aktivistja shqiptare në SHBA, Evi Kokalari, ditën e sotme është shfaqur krah Sali Berishës në Foltoren e mbajtur në qytetin e Pogradecit.
Në fjalën e saj ajo u shpreh se ka dëshirë që ta shohë edhe njëherë Sali Berishën si kryeministër të Shqipërisë. Ajo komnetoi edhe takimin e Bashës me Kongresmentët amerikanë, ku u shpreh se këta të fundit as nuk e kanë idenë kush është kryedemokrati.
“Çdo verë kam qenë këtu për 15 vite me radhë dhe kam mësuar not te liqeni i Pogradecit. Dua të fokusohem te Lulzim Basha, sepse kohët e fundit e kam parë që ai ka sulmuar kryetarin e FRPD-së. Dua t’i them faleminderit Albana Vokshit që është ngritur kundër Lulzim Bashës sepse është e vetmja mënyrë për të luftuar korrupsionin brenda partisë.
Në 11 dhjetor kryetari i ri do të jetë Sali Berisha. Herën e fundit thashë që Berisha do bëhej kryetari i PD-së, ndërs atani them se dua ta shoh Berishën sërish kryemninitër të Shqipërisë. Më vjen keq që Basha përfiton nga rasti, me ardhjen e kongresmenëve ai përdor vetingun.
Basha del e bën deklaratë për mbështetjen e amerikanëve, ai ka thënë që do më padiste, ne kemi bërë një ankesë në bordin elektoral në Amerikë, kongresmenët nuk e kanë idenë kush është ai”, tha Kokalari.
