KRONIKËSTAR CHANNEL
Aksident pranë Syrit të Kaltër, dy persona rrëzohen me motor në humnerë
Një aksident është regjistruar pranë Syrit të Kaltër, në Bashkinë Finiq, ku dy persona, njëri prej tyre shtetas i huaj, janë rrëzuar me motor në një humnerë rreth 15 metra në anë të rrugës.
Fatmirësisht, të dy qytetarët kanë pësuar vetëm lëndime të lehta. Në operacionin e shpëtimit morën pjesë forcat e MZSH-së, strukturat e Policisë, si dhe Urgjenca Mjekësore.
Reklama në FieriWeb - “PIZZA ITALIA FIER”
Pas nxjerrjes nga zona ku kishin rënë, të lënduarit u transportuan drejt Spitalit të Sarandës për ndihmë mjekësore dhe kontrolle të mëtejshme.
Autoritetet ndodhen në terren për sqarimin e plotë të rrethanave të aksidentit.
