AKTUALITET

Dënimin duhet ta vuajë pas hekurave pavarësisht sëmundjes, GJKKO rrëzon përfundimisht Llallën

Gjykata e Posaçme rrëzoi kërkesën e ish kryeprokurorit Adriatik Llalla për pezullimin e dënimit me burg. Vendimi u dha nga gjyqtari Erjon Çela, i cili pasi shqyrtoi kërkesën vendosi të mos i pranoj argumentet e avokatit mbrojtës të Llallës.

Kujtojmë se Gjykata e Posaçme e Shkallës së Parë kundër Korrupsionit dhe Krimit të Organizuar dënoi me 2 vite burg ish-kryeprokurorin Adriatik Llalla në 22 shtator të këtij viti.

Marketing në FieriWeb

Prokuroria e Posaçme Kundër Korrupsionit dhe Krimit të Organizuar ka përfunduar procedurat ligjore dhe e ka shpallur në kërkim ndërkombëtar Llallën duke qenë se ky i fundit nuk është gjendur në Shqipëri dhe ka informacione se ndodhet jashtë vendit, nderkohe qe gjate gjithe seancave gjyqesore te zhvilluara ai ka thene se eshte semure.

Llalla është përjashtuar gjithashtu me 5 vite nga postet publike si dhe i janë sekuestruar 8 pasuri.

Marketing në FieriWeb

Hetimi ndaj Llallës u regjistrua fillimisht nga Prokuroria e Durrësit më 15 mars 2018 nën akuzat e fshehjes së pasurisë, shpërdorimit të detyrës dhe pastrimit të parave. Ai u hetua edhe për veprën penale të “mosdeklarimit të shumave monetare në kufi”.

Më pas, dosja u dërgua në ish-Prokurorinë e Krimeve të Rënda, sot SPAK ku u kërkua edhe sekuestro për pasuritë ku përfshihen një apartament 67 metra katrorë në Durrës dhe katër parcela toke me sipërfaqe të përgjithshme prej rreth 22 mijë metrash katrorë në periferi të Tiranës.

Marketing në FieriWeb

Pasi SPAK mbylli hetimet, disa akuza ranë, duke përfunduar dosja për gjykim për akuzën e fshehjes e të ardhurave kryer tre herë.

Adriatik Llalla është zyrtari më i lartë shqiptar i dënuar ndonjëherë nga një gjykatë në vend.

Related Articles

Leave a Reply

Your email address will not be published. Required fields are marked *

Back to top button