KRONIKËSTAR CHANNEL
E rëndë në Pogradec/ 78-vjeçari dhunon bashkëshorten, 69-vjeçarja në gjendje të rëndë në spital
Një ngjarje e rëndë e dhunës në familje është regjistruar pasditen e së shtunës në Pogradec.
Sipas Policisë, rreth orës 16:10, në lagjen nr. 1, shtetasi me iniciale M. Sh., 78 vjeç, dyshohet se gjatë një konflikti në banesë ka goditur në kokë me një shkop druri bashkëshorten e tij, shtetasen Sh. Sh., 69 vjeçe.
Reklama në FieriWeb - “PIZZA ITALIA FIER”
E dëmtuara është transportuar menjëherë në spital, ku po merr ndihmë mjekësore dhe ndodhet në gjendje të rëndë.
Ndërkohë, 78-vjeçari është shoqëruar në Komisariatin e Policisë Pogradec, ku po kryhen veprimet procedurale.
Grupi hetimor, nën drejtimin e Prokurorisë, vijon hetimet për të zbardhur plotësisht rrethanat e kësaj ngjarjeje.
