RAJONI
Fotoja po bën xhiron e rrjetit, kuajt vrapojnë për t’i shpëtuar flakëve të zjarrit në Rodos
Një foto nga zona e Rodosit, me kuajt që vrapojnë për të shpëtuar veten, po bën xhiron e internetit, ndërsa qytetarë të shumtë bëjnë thirrje që të largohen sa më shumë kafshë nga zjarri.
Zjarri në Rodos ka shkrumbuar çdo gjë, dhe situata është e rrezikshme për njerëzit dhe kafshët. Më shumë se 2000 persona janë evakuuar nga Roja Bregdetare, raporton “Protothema”.
Sekretariati i Posaçëm për Mbrojtjen e Kafshëve Shoqëruese, u bëri thirrje qytetarëve që të mos lënë kafshët. “Merrini me vete, përndryshe të paktën mos i lini të lidhur me zinxhirë apo në kafaz”, thotë ai.
