BOTA

Itali/ Gjendet i vdekur ish-kreu i policisë, po hetohej për atentatin ku mbeti i vrarë gjyqtari Borselino

Ish-drejtori i përgjithshëm i Policisë italiane, Gianni De Gennaro, është gjetur i vdekur në moshën 78-vjeçare në vilën e tij të pushimit në Toskanë.

Sipas raportimeve të mediave italiane, dyshohet se ai i ka dhënë fund jetës me armë zjarri.

Reklama në FieriWeb - “VODAFONE ALBANIA”

Ngjarja vjen në një periudhë kur De Gennaro po përballej me një hetim të Prokurorisë së Caltanissetta-s, lidhur me dyshimet për pengim dhe devijim të hetimeve për atentatin mafioz të vitit 1992 në rrugën Via D’Amelio, ku mbeti i vrarë gjyqtari i njohur antimafia, Paolo Borsellino.

Në vendngjarje mbërritën përfaqësues të Prokurorisë së Grosseto-s, mjeku ligjor dhe ekspertët e policisë shkencore, të cilët nisën hetimet për të sqaruar rrethanat e vdekjes.

Reklama në FieriWeb - "ARGJENDARI ILIA"

De Gennaro ishte përfshirë në hetimet lidhur me zhdukjen e të ashtuquajturës “axhenda e kuqe” të gjyqtarit Paolo Borsellino, një dokument që konsiderohet i rëndësishëm për zbardhjen e rrethanave të atentatit mafioz.

Ditët e fundit, autoritetet kishin kryer kontrolle në disa prona të tij dhe të personave të tjerë të përfshirë në hetim.

Reklama në FieriWeb - “PIZZA ITALIA FIER”

Sipas dyshimeve të prokurorisë, ish-kreu i policisë dhe disa bashkëpunëtorë të tij mund të kenë penguar dhënien e dëshmive dhe të kenë fshehur dokumente të rëndësishme për hetimet.

Megjithatë, këto mbeteshin pretendime të organit të akuzës dhe nuk kishte një vendim gjyqësor që vërtetonte fajësinë e tij.

Reklama në FieriWeb “WIZZ AIR”

Reklama në FieriWeb - "COVIM CAFFE"

Related Articles

Leave a Reply

Your email address will not be published. Required fields are marked *

Back to top button