BOTA

Studimi: Islami, feja më e përhapur në 2035/ Ndryshon harta. Më shumë myslimanë në Pakistan, Kongo e para për të krishterët

Harta fetare e botës pritet të pësojë ndryshime të rëndësishme në dekadat e ardhshme. Sipas një studimi të ri të Qendrës Kërkimore Pew, myslimanët mund të tejkalojnë të krishterët për nga numri i besimtarëve deri në vitin 2035, duke e renditur Islamin si fenë më të përhapur në botë.

Të dhënat e studimit tregojnë se gratë myslimane kanë mesatarisht tre fëmijë, ndërsa ato të krishtera rreth dy. Vetëm në periudhën 2020–2025, nënat myslimane sollën në jetë rreth 252 milionë fëmijë, kundrejt 208 milionëve nga nënat e krishtera.

Reklama në FieriWeb - “VODAFONE ALBANIA”

Në vitin 2020, në nivel global numëroheshin rreth 2 miliardë e 270 milionë të krishterë dhe 2 miliardë e 20 milionë myslimanë.

Por projeksionet afatgjata tregojnë një ndryshim të ndjeshëm të këtyre raporteve. Deri në vitin 2070, numri i myslimanëve pritet të arrijë në 3.6 miliardë, ndërsa ai i të krishterëve në rreth 2.9 miliardë.

Reklama në FieriWeb - "ARGJENDARI ILIA"

Në këtë skenar, myslimanët do të përfaqësonin 35,8 për qind të popullsisë së përgjithshme botërore, ndërsa të krishterët 29,1 për qind.

Ndryshimet nuk do të kufizohen vetëm te numri i besimtarëve, por edhe te shpërndarja e tyre gjeografike. Afrika Sub-Sahariane pritet të bëhet qendra kryesore e krishterimit, duke pritur më shumë se gjysmën e të krishterëve në botë deri në vitin 2070.

Reklama në FieriWeb - “PIZZA ITALIA FIER”

Ndërkohë, Republika Demokratike e Kongos parashikohet të tejkalojë Shtetet e Bashkuara për numrin e popullsisë së krishterë.

Edhe në botën myslimane pritet një ndryshim i rëndësishëm. Pakistani mund të marrë vendin e parë si shteti me numrin më të madh të myslimanëve, duke lënë pas Indonezinë, e cila aktualisht kryeson këtë renditje.

Reklama në FieriWeb “WIZZ AIR”

Reklama në FieriWeb - "COVIM CAFFE"

Related Articles

Leave a Reply

Your email address will not be published. Required fields are marked *

Back to top button