Italianët e quajne “Zoti i drogës”, 40-vjeçari nga Fieri tenton për herë të tretë vetëvrasjen në qeli

Për një fije floku, hera e tretë nuk ishte e fundit. Kështu shkruajnë mediat më të mëdha italiane për Elvis Demçen, fierakun që konsiderohet si “Zoti i drogës” në vendin fqinj, teksa ka tentuar për herë të tretë t’i japë fund jetës në qeli.
“Elvis Demce, trafikanti i famshëm shqiptar i drogës, me sa duket e ka humbur guximin që e kishte ngritur në krye të organizatave të trafikimit të drogës, duke përjetuar në vend të kësaj shqetësimin e errët të një paraburgimi pa rrugëdalje.
Dy ditë më parë, ai lidhi një çarçaf që i ishte dhënë në burgun e Operas, ku tani mbahet nën regjimin e ashpër të burgut (41 bis), dhe u përpoq të varte veten. Oficerët e burgut e gjetën, e zgjidhën dhe e transferuan në spital. Duket se do të mbijetojë. Por ai është në kujdes intensiv”shkruan Korriere del la Sera.
Dy përpjekje të tjera, në vitet e fundit, e kishin shtyrë avokatin e tij, Massimiliano Capuzi, të kërkonte masa të tilla si transferimi i tij në një strukturë të mbrojtur ku Elvis Demçe mund të vendosej në një rrugë terapeutike. Kjo nuk ishte e mundur për arsye të ndryshme, ndoshta për shkak të kalibrit kriminal të Demçes dhe dyshimeve të magjistratëve në lidhje me gjendjen e tij të vërtetë shëndetësore.
Akti vetëflijues i 40 vjeçarit shqiptar, tani mund të rihapë debatin mbi kushtet e burgut dhe zbatimin e Nenit 41 bis, shkruajanë mediat italiane.
Trafikanti shqiptar i drogës është i ndjekur nga një sërë gjyqesh në Itali, i fundit prej të cilave është aktualisht duke u zhvilluar dhe ka të bëjë me tentativën e rrëmbimit të një kundërshtari. Ndërkohë, ai po vuan një dënim me 15 vjet burg për trafik droge, i cili u bë i formës së prerë më 28 maj me vendimin e Gjykatës së Lartë.
I pa dënuar kurrë për lidhje me mafian, Elvis Demçe mbetet një nga trafikantët më të rrezikshëm për lëvizjen romake antimafia dhe, për gjyqtarët, një kriminel që nuk ka hequr kurrë dorë nga e kaluara e tij.




