AKTUALITET
Nisin punimet për tunelin e Llogarasë, Edi Rama: Rruga zgjat 7 minuta
Kreu i qeverisë bën me dije se nga dita e sotme nisin punimet për ndërtimin e tunelit të Llogarasë.
Kryeministri Edi Rama njoftoi mëngjesin e sotëm hapjen e kantierit të ndërtimit për tunelin e Llogarasë. Nëpërmjet një videoje ku tregon projektet infrastukturore me rëndësi të kësaj qeveria (Bypass-i i Fierit, Rruga e Arbrit, Unazën e Madhe të Tiranës, etj), shefi i qeverisë konfirmon se nga dita e sotme do të nisin punimet për ndërtimin e tunelit të Llogarasë.
Tuneli do të jetë i gjatë 5.93 km i gjatë, me 3 korsi, dy me gjerësi 3.5 metra dhe një emergjence 1.25 m. Fituesi i këtij projekti është konsorciumi “IC Consulenten”. Tuneli mundëson përshkimin e Qafës së Llogarasë për 7 minuta.