Skandali i pagave vë në lëvizje qeverinë, miratohet memorandumi për forcimin e sigurisë kibernetike

Këshilli i Ministrave ka miratuar ditën e sotme memorandumin për forcimin e sigurisë kibernetike të infrastrukturës kritike për Shqipërinë.

Ky vendim i qeverisë vjen pas skandalimit të publikimit të databazave të pagave dhe targave, ku u arrestuan 4 persona: Specialistja e IT së Tatimeve, Eni Qirjako, e cila nxori të dhënat nga sistemi dhe ja dha kolegut të saj Andi Agaraj, Klodian Sota dhe Endri Ikonomi, të cilët i blenë këto të dhëna.

V E N D I M PËR

MIRATIMIN E MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE GRUPIT JONES INTERNATIONAL, PËR FORCIMIN E SIGURISË KIBERNETIKE TË INFRASTRUKTURËS KRITIKE PËR SHQIPËRINË

Në mbështetje të nenit 100 të Kushtetutës dhe të ligjit nr.2/2017, “Për sigurinë kibernetike”, me propozimin e ministrit të Infrastrukturës dhe Energjisë, Këshilli i Ministrave

V E N D O S I:

Miratimin e memorandumit të mirëkuptimit, ndërmjet Këshillit të Ministrave të Republikës së Shqipërisë dhe Grupit Jones International, për forcimin e sigurisë kibernetike të infrastrukturës kritike për Shqipërinë, sipas tekstit që i bashkëlidhet këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

ARBEN AHMETAJ