SUPRIZË, “Big Brother” rikthehet papritur këtë muaj
“Big Brother VIP” ishte një ndër emisionet më të ndjekur në televizionet shqiptare. Ky format gjatë sezonit të parë theu rekorde në shikueshmëri dhe kaq ka mjaftuar që stafi i këtij emisionit të nisë planet për vazhdimin dhe të përcaktojë kohën e rikthimit në televizion.
Arbana më herët e bëri me dije se “Big Brother Vip 2”, do të fillojë në fillim tëvitit 2023, mirëpo si duket ata “nuk kanë ndërmend” që të dalin nga jeta e shqiptarëve.
Ata kanë vendosur që të transmetojnë disa fragmente të shkëputura gjatë prapaskenave të katër muajve në formën e një dokumentari.
Dokumentari është përgatitur nga regjisori Eduard Grishaj dhe përmban rrëfime të banorëve në dhomën e rrëfimit, diskutimet e organizatorëve, rregullat, dënimet e vendosura madje edhe disa ‘sekrete’ të cilat nuk janë publikuar asnjëherë gjatë transmetimeve ‘live’.
Pritet që ky dokumentar të transmetohet përgjatë këtij muaji, mirëpo ende nuk është një konfirmuar një datë nisjeje për të nga produksioni.
