U tha se i hoqën ndihmën financiare, reagon Bashkia e Roskovecit pas vdekjes së 14-vjeçarit në lumin Seman: Të gjitha shpenzimet mortore do t’ja mbulojmë, familjes do i sigurojmë….
Eshte percjelle per ne banesen e fundit 14- vjecari E. Sakaj trupi i te cilit u gjet i pajete diten e djeshme ne ujrat e lumit Seman ne fshatin Suk 1 te bashkise Roskovec .
Kjo ishte tragjedia e dyte ne kete familje pasi 12 vite me pare nje tjeter pjesetar u saj 7- vjecar eshte mbytur ne te njejten menyre teksa familja ne fjale perballet me veshtiresi te shumta jo vetem ekonomike , por edhe shendetesore. Tragjedia e perseritur ka ngjallur jo vetem dhimbje ne opinionin publik por edhe akuza per mostrajtimin e familjes Sakaj me ndihme ekonomike duke e akuzuar pushtetin vendor per neglizgence.
Bashkia Roskovec nepermjet zedheneses per komunikimin me mediat , Enerida Kuqo , u eshte kunderpergjigjur ketyre akuzave nepermjet nje deklarate per mediat.
Në një dalje publike, përmes zëdhënëses Enerida Kuqo, Bashkia e Roskovecit ka deklaruar se do të marr përsipër të gjitha shpenzimet e shërbime e mortore, si dhe do të garantojë një mbështetje financiare të familjes Sakaj në vazhdimësi.
Gjithashtu në këtë dalje publike, Bashkia e Roskovecit ka hedhur poshtë akuzat të cilat vendonin para përgjegjësi këtë bashki për shkëputje të ndihmave ekonomike ndaj familjes Sakaj.
Sipas saj, pjesëtarë të kësaj familje janë trajtuar me pensione invaliditeti, të cilat nuk jepen nga bashkia, por institucione të tjera.
Kujtojmë se dy ditë më parë 14 vjeçari, Ergus Sakaj, u mbyt në lumin Seman ku dhe kishte shkuar për të peshkuar. Trupi i pajetë i të miturit u nxor ditën e djeshme pas disa orëve kërkime.
Banorët e zonës thanë për mediat se familja Sakaj jetonte në kushte ekonomike mizerable. Babai i 14 vjeçarit kishte ndëruar jetë 2 vite më parë pas betejës me Covid-19. Është nëna ajo e cila kujdeset për 8 fëmijët.
