Udhëtimet drejt Greqisë, pikat kufitare sot do të kenë pengesa
Për të gjithë ata që udhëtojnë sot drejt Greqisë ose anasjelltas duhet të kenë parasysh që në pikat e kalimit kufitar do të ketë vonesa dhe ndërprerje të punës.
Njoftimi vjen nga Policia e Shtetit, ku thotë se do të kryhen përditësime në sistemin e ri SIS.
Shtetasit grekë dhe ata që kanë leje qëndrimi në Greqi nuk kanë për të patur pengesa.
Policia e Shtetit kërkoi mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 9:00 – 18:00, të datës 7.3.2023.
Njoftimi i Policisë:
Njoftojmë qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të datës 07.03.2023, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës.
Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi.
Për të mos krijuar radhë, pritje të gjata dhe konfuzion në pikat e kalimit kufitar, kërkojmë mirëkuptimin e qytetarëve dhe të drejtuesve të automjeteve që të shmangin lëvizjet drejt pikave të kalimit kufitar me Greqinë, në harkun kohor 09:00 – 18:00, të datës 07.03.2023.
