AKTUALITET
Ambasada italiane uron Gledis Nanon: Të vendosur për të bashkëpunuar në luftën kundër kriminalitetit
Ambasada e Italisë në Tiranë ka uruar sot drejtorin e ri të përgjithshëm të Policisë së Shtetit, Gledis Nanon.
Përmes një postimi në rrjetet sociale ambasada shpreh vendosmëri për të forcuar më tej bashkëpunimin në luftën ndaj krimit.
“Urime Kreut të ri të Policisë, Gledis Nano! Të vendosur për të forcuar më tej bashkëpunimin tashmë të shkëlqyer ndërmjet forcave të rendit për shtetin e së drejtës dhe në luftën ndaj çdo lloj forme të kriminalitetit”, shkruhet në njoftim.
Gledis Nano mori sot detyrën e drejtorit të përgjithshëm të Policisë së Shtetit. Ai zëvendësoi në këtë post, Ardi Veliun, ndërsa më parë ushtronte detyrën e drejtorit të Antiterrorit.
Ardi Veliu dha dorëheqjen e tij dy ditë më parë pasi vendosi që ti përkushtohet familjes.