LAJMI FUNDIT/ U masakrua me thikë nga klienti, vdes në spital kryekamarieri i restorantit të Gjergj Lucës
Ka ndërruar jetë në spital, Gazment Kurmaku, kryekamrieri i Fish City, i cili u qëllua me thikë, pak ditë më parë nga një klient. Kurmaku nuk ka mundur dot t’i mbijetojë plagëve. Lajmi është konfirmuar nga vetë restoranti, përmes një postimi në facebook.
Sherri i rëndë që përfundoi me vdekjen klinike të një prej dy personave të përfshirë ka ndodhur në kompleksin e Gjergj Lucës. JOQ shkruan se vetë kompania u është përgjigjur pas interesimit për sherrin e ndodhur mbremien e 3 Tetorit në Elbasan, për një tavolinë të rezervuar, duke konfimuar kështu vendin e ngjarjes.
“Ka ndodhur nje incident midis nje punonjsit ton dhe nje klienti , pas ngjarjes i gjith materjali i disponushem i ka kaluar policise dhe prokurorise , falemderit per interesimin! Rozafa SHPK.“-shkruan kompania në reagimin për redaksinë
Si ndodhi sherri?
Erjon Llapushi, i cili aktualisht ndodhet pas hekurave ka shkuar si klient në restorant, por 50-vjeçari Gazment Kurmakun që ishte në krye të detyrës si shef i kamarierëve e ka njoftuar se tavolina ku ishte ulur ishte e rezervuar. Kjo gjë nuk është pritur mirë nga Llapushi, i cili ka kundërshtuar duke agravuar debatin e nisur mes tyre.
Llapushi e ka goditur Gazment Kurmakun me grushte dhe sende të forta. 50-vjeçari ka rënë duke i përplasur kokën me një pjesë betoni, e pikërisht në këtë moment ka pësuar dhe vdekje klinike. Ai ndodhej në spital në gjendje të rëndë.