Çfarë do të bëjë kryeminisri nëse Basha i kërkon ndihmën e Policisë kundër Berishës? Përgjigjet Rama
Kryeministri Edi Rama ka deklaruar mbremjen e sotme se Lulzim Basha dhe Sali Berisha jane futur ne rrugen e marrezise.
I ftuar ne Zone e Lire, kryeministri u pyet si do sillet nese Basha i kerkon ndihmen e policise kunder Berishes, por ai tha se kjo eshte ceshtje mes policise dhe partive politike.
Debati
Rama: Kalanë nuk e mban asnjëri dhe as tjetri por një proces që do shkojë në degradim të vazhdueshëm. Nuk ka më rëndësi kush është kryetar, sepse nuk ka legjitimitet më nga asnjëra anë. Është cënuar rëndë legjitimiteti i të dyja palëve, sepse e kanë braktisur bazamentin e lidershipit, që është qëllimi i përbashkët dhe mbrojtja e interesave të përbashkëta dhe janë futur në rrugën e marrëzisë. Janë hije që kacafyten në emër të së shkuarës. Njëri do të vijë dhe tjetri do ta mbajë.
Çani: Thotë Basha na duhet ndihma e forcave të rendit sepse jemi të kërcënuar.
Rama: Kjo është marrëdhënie e forcave politike me forcat e rendit. Në këtë pikë dhe këtë punë Edi Rama dhe qeveria nuk kanë punë. Janë pengje të njeri tjetrit. Në mënyrë cinike Edi Ramës i intereson sherri. Por në mënyrë pragmatike, i interesion qetësia. Një opozitë me të cilën mund të flitet. Të dyja këto janë të pamundura.
