POLITIKË
Darka e “Open Balkan” në Elbasan, Rama bashkë me dy ministret mbërrin në resortin ku do të presin Aleksandër Vuçiç
Kryeministri Edi Rama i shoqëruar nga ministrja e e Financave dhe Ekonomisë, Delina Ibrahimaj dhe ministrja e Bujqësisë e Zhvillimit Frida Krifca kanë mbërritur në Elbasan, në restorantin e Gjergj Lucës “Fish City”.
Rama bashkë me dy ministret do të presin mbrëmjen e sotme presidentin serb Aleksandër Vuçiç. Ky takim do të mbahet në kuadër të marrëveshjeve që pritet të firmosen për nismën “Open Ballkan”.
Theksojmë se vizita e Vuçiç në Shqipëri shkaktoi zemërim dhe protesta nga qytetarët. Protesta e sotme u pri nga ish-kryeministri Sali Berisha dhe mbështetësit e tij. Ndërkohë forca të shumta policore janë pozicionuar në zonë për të shmangur çdo lloj trazire të mundshme.