KRONIKË

Vjedhja e 700 mijë eurove në postën e Durrësit, SPAK merr përsipër dosjen, dyshohet për grup të strukturuar kriminal dhe përfshirje të deputetes së PS

Dosja e vjedhjes së 69 milionë lekëve të reja në filialin e Postës Shqiptare në Durrës ka marrë një kthesë të rëndësishme, sepse dyshohet se aty janë të përfshirë edhe deputetë.

Prokuroria e Durrësit ka shpallur moskompetencën dhe ia ka përcjellë çështjen SPAK-ut, pasi dyshon se pas skemës mund të fshihet një grup i strukturuar kriminal.

Reklama në FieriWeb - “VODAFONE ALBANIA”

Sipas informacioneve të gazetares së Top Channel, Anila Hoxha, në skemë dyshohet se mund të jenë përfshirë edhe ish-zyrtarë të postës që aktualisht gëzojnë imunitet parlamentar. Në zgjedhjet e fundit parlamentare garoi si deputete nën siglën e partisë socialiste dhe e fitoi mandatin është ish-drejtoresha e postës Etleva Budini.

Ndërkohë, Gjykata e Durrësit ka ndryshuar masën e sigurisë për pasardhësen e saj, Elisabeta Mataj, e cila u prangos menjëherë pas skandalit, duke e kaluar nga “arrest në burg” në “arrest shtëpie”.

Reklama në FieriWeb - "ARGJENDARI ILIA"

Vendimi vjen pas kërkesës së Matajt dhe mbrojtjes, e cila ka kundërshtuar pretendimin e prokurorisë se provat e administruara gjatë hetimit kanë rënduar pozitën e saj procedurale.

Mataj ndodhej në paraburgim prej 18 korrikut dhe hetohet për vjedhjen në bashkëpunim, përmes shpërdorimit të detyrës, të 69 milionë lekëve, fonde të destinuara për qytetarët në degët e Postës në Shijak dhe Krujë.

Reklama në FieriWeb - “PIZZA ITALIA FIER”

Në të njëjtën çështje nën hetim janë edhe ish-shefja e financës Valbona Duni dhe arkëtarja Paola Dana, të dyja me masën e sigurisë “arrest në shtëpi”.

Reklama në FieriWeb “WIZZ AIR”

Related Articles

Leave a Reply

Your email address will not be published. Required fields are marked *

Back to top button